一個月

不經不覺已經一個月...

係呢一個月, 我久不久就翻看你既相, 好想由第一日帶你番屋企果刻開始去重温所有同你相處既片段.我清楚記得我同爸爸係狗鋪選中你到帶你回家一切一切片段. 選中你的人是爸爸, 不是我!因為當日你同你啲兄弟姊妹眾多, 個個被抱落地後就周圍亂走, 已經眼花撩亂了! 是爸爸選中你的, 他說你是當中最手粗脚粗的一個, 看似體格強健! 就是這樣選了你後, 狗鋪先行帶你澡涼剪毛; 而我就帶走一支狗鋪比的消毒藥水, 回家先行作一次全屋大清洗! (因之前買的魔天使狗温走了)

記憶中, 帶你回家時你身長約13吋左右. 是我一直抱著你回家的. 回到家後, 先安置你入籠, 代你識應半天有多後, 我才開門讓係走出來周圍看看. 你似乎有點怕醜...記憶中你久久只敢伸兩隻前脚及探頭周圍看看, 最後也是姐姐我拉你出籠. 但, 沒多久你走回去去! 

當時的家, 客廳及飯廳是L型的. 你的籠一直放在客廳, 就算你最後肯走出籠自由行, 但總沒有走過飯廳半步. 明明客飯廳是相連, 地板亦是一樣, 你就是永不踏入L型另一邊的飯廳半步. 每次和你跑跑跳跳後, 就算我在飯廳那一邊, 你亦只會乖乖的坐在客飯廳的中間位置, 好像飯廳那邊有惡魔似的!

記憶中, 過了好一段長時間, 威迫利"有"之下, 你才肯踏入飯廳! 當然, 廁所, 廚房, 每間房你也經過好一段時間才再逐一開發!

每次帶你去多人多狗狗的地方, 開始時你會像一般小朋友般自己自顧自的走去玩. 但玩一陣後, 我發覺你總會用眼神來找我, 好像要知道我在你的視線範圍內, 你才玩得安心!

尤其行山, 一條路的向前行, 如我沒有替你扣上狗帶, 你總大步大步的走在我前面. 但, 你走不夠十步就會轉頭看看我, 然後笑笑, 才再安心的再繼續向前走. 我就是最喜歡你這樣, 很窩心的! 你無論走到有多遠玩得有多開心, 你也總會走回來看看我, 才去玩的!

Bon, 今次你走了一個月, 你有回來看過我嗎?

係呢個月, 從你一直以來的相片中, 我發覺你年紀越大, 但反而樣子越細. 可能是髮型影響吧! 你細過仔時我是交給外面的狗鋪幫你剪毛毛, 多數也留了"胡子", 樣子看來老成! 但自從一次無良狗鋪剪了你耳仔一少角令你流血及另一次剪毛後成身有牛脾後, 我已再不放心你出外剪毛毛, 我會親自同你剪! 剪過數次後, 多了經驗, 我覺得我同你設計的新髮型也不錯! 朋友或外出碰上的人也不相信你的髮型是由我負責呢! 每個也讚你好靚仔呀!! 唯一美中不足是雙眉, 剪極也不對稱的! bon, 你自己在廳照那塊鏡時有發覺嗎?

還有還有, 你的雙眼也似乎越大越靚! 你細過仔時雙眼並不特別圓大, 但你越大越精靈, 好多朋友也讚過你嫁! 雙眼圓大又有神, 仲好似識講野添嫁! 你知嘛, 早2日我又夢見你, 今次係close up見到你雙精靈眼仔, 個角度係我抱住你, 你由低望住我嫁!

其實近日己無掛住你掛到喊嫁啦! 算做習慣左d, 但每日我都會不定時的突然想起你:

• 同朋友外出食飯晚了點回家, 在駕車途中突然下意識的加油加快速度的行, 想起你一個在家等我, 要快d回家! 油踏深了不到10秒, 才突然清醒知道已沒有你在家等我了...
• 你在的時候, 好多時你比我早出房門去食早餐(尤其weekend), 現在試過有幾次我一出房門就下意識想先找你才去食的早餐. 有次還左看右看成分鐘有多!! 連當時的自己也不知道在找誰...

同朋友/狗場主人傾開: 養女就乖d, 貼人多d, 去尿尿吾會周圍射, 出街也少會同其他狗狗打架,生事! 養仔就相反: 活潑d, 惡d, 不貼人, 咬野, etc...; 養史納莎就active d, 噪d, etc...其他乜乜狗同物物狗就定d...

乜係咩? 但我亞bon又從來吾咬爛野, 尿尿吾亂射, 貼人, 吾噪, 吾惡人, 吾同其他狗狗打架喎! 講來講去, 友人話我bon真係特別乖, 根本無得比嫁!

Bon: 世上無一隻狗狗可以同你比, 亦無一隻可以代替你嫁!

I love you forever! Miss you much!!!!